أسرع زواج تشوفونه في حياتكم>> ادخلوا وما راح تندمون بتموتون ضحك

في احد الايام كنت جالس بغرفتي وكنت فاضي ذاك اليوم ولا لي من

الشيطان طاري قلت ياولد مدام انك فاضي ليش ماتستغل وقت فراغك

وتعرس

ناظرت الساعة لقيت الوقت بدري قلت يالله اجل خلنا نعرس مدام فيه

وقت <----- بديت اشك انه زواج

واتصل على ماما بالسنترال الداخلي<<مسوي دلوع


قلت يمة ابي اقابلك قالت مااقدر ظروفي ماتسمح وش اللي تبي

تقابلني انت ووجهك وانت مابيني وبينك الا جناحين وصالة

المهم تواعدنا في منطقة محايدة وتقابلنا وكانت غفر الله لها متوقعة اني

ابقولها شي مهم



وبكل حيوية وانبهار قالت خير وانا امك وش عندك جايبني على ملا

وشي <----امه فيه عرق مصري

قلت ابد يمة حسيت اني فاضي قلت ابعرس

قالت باااااااااااااااس بتعرس وانا احسب عندك شي مهم <---- مااردا

منك الا امك :d

ايه ميخالف وانا امك اعرس لكن لاتبطي عاد لا عااااد قالت خلاص

وانا امك ابدور لك وحدة تناسب دلاختك وكبرياءك

ومن بكرة قالت امي لخالتي وبدورها خالتي كواحدة من اهم مصادر

وكالة الانباء الفرنسية وفي خلال ساعة انتشر خبر اني ابعرس لكل

سكان مدينة الرياض وماجاورها وعلى المقيمين خارجها مراعاة فارق

التوقيت


عاد انا الله لايضرني معروف اني آيــه في الزين وفل كامل رجوله مع

وجود بعض الحبوب السوداء <----لا واضح انك زين

وماهي الا سويعات حتى بدت تنهال على بيتنا اتصالات من جميع مدن

المملكة ودول الخليج والدول العربية والاوربية والامريكتين وكل اللي

يتصلون امهات بنات وكل من كلمت منهم قامت تمدح في بناتها وانهم

سنعات وظــــفرات وامي حاطة رجل على رجل وتقول الله يخلي لكم

بناتكــــم لكن اليـــــوم مانبي <----- ايــــه وش عليها واثقة بولدها

اكثر شي استغربته انا انه من بين الاتصالات تقول امي ان حرمة بوش

الابن متصلة عليها وتمدح بناتها التوم وتقول والله ياام فهد ان بنياتي

مايطلعون من المطبخ ابد وان فطور ابوهم وغداه وعشاه مايسويه الا هن

والا من ابونا عزم بلير والا السلقة شارون مايقوم بالذبايح ويطبخهن الا

هن الله يصلحهن


عاد امي طلعت ذهينه وحجرت لها وقالت : بس عاد يقولون وحدتن من

بناتكم ماسكينها شاربتن خمر الله لاتعاد**نا

وبعد ان بلعت ريقها مرت بوش قالت : والله ياام فهد ماحديتيني على

حلف انها اشاعات مطلعينها الح** اليميني المتطرف يبون يقشعون ابونا

من الرئاسة حسبي الله عليهم والا بنيتي راعية طاعة وتستحي من

ظلها اغديتس بس تزوجينها واضح والله ان الله قاله اني لاقول

لابونا يسوي لهم عرس لاخلي واشطن دي سي والولايات اللي حوله

تحتسي عن هالعرس شهرين

وبطريقة دبلوماسية تليق بزوجة مدير امريكا <----- اقول انطم تكفى

استطاعت امي انها تصرف السيدة الامريكية الاولى



المشكله اذا طلعت من بيتنا مع ان حارتنا هاديه الا انها وبعد ماتناقلت

وكالات الانباء هالخبر صارت وكأنها سوق تخفيضات بالعشر الاواخر من

هالزحمة وهالبنات اللي يترززون ويتميلحون


وماهي الا كم اسبوع الا وانا في بيت الزوجيه طبعا ليلة زواجي كانت

من الليالي التي لن تنساها مدينة الرياض حيث شهدت تلك الليلة

حالات انتحار من فتيات كثيرات وحتى الان لم يعرفوا الجهات الامنيه

السبب وراء ذلك <----لااااا ياشيخ

عشت حياة هنيئة انا وزوجتي اعتدال <---- من قال مهيب سعوديه

كنا نعيش مثل الكناري من الوناسة والفلة لدرجة اني سمنت عشرة

كيلو والله ماانلام طايح اكل ونوم اكل ونوووووم <---- ياحبكم للشر

كانت تخاف علي من نسمة الهوا .. الله ايام حلوة كانت

وبعد فتره ر**نا الله بولد يجنن كنه انا وسميناه مصطفى على اسم ابوي

عبدالله

وبعد المولود الاول كأن الحرمة تغيرت ومتنت شوي قلنا ماعليه فترة

وترجع لطبيعتها

كثرت الطلبات جب حليب للولد وجب حفايظ وجب مرهم للمشق ومدري

وشو والا تحصلني نايم بعد ماكنت سهران انا وهي نسولف سمعتوا

نسوووولف اقول وتوي نايم الا تصحيني وتقول يالله خلنا نودي

الولد للمستشفى حرارته مرتفعة


لدرجة مره من المرات من القهر بغيت ارمي مصطفى بال**الة

ياحبي له مصطفى غادي تسنة كورة الله يخليه لي ويحب اليوسف

افندي الله يصلحه
وبعد سنتين ر**ني الله ببنيه وش حليلها وسميتها نورة تيمنن بام مرتي

وصارت نورة اردى من مصطفى صياح ونياح لا وصاروا يتعاندون هي

ومصطفى من اعلى صوت اذا صاحوا وطبعا الضحية انا

كثر غيابي عن الدوام وانفصلت من عملي وقضت الكم الف اللي انا

جامعهن لسفرة المغرب انا والشباب <----- بعذرك ماوفقك الله

وتعرفت لي على شلة تعبانة وصرت اتعاطى مخدرات وبعت اللي وراي

ودوني ونسين عيالي واهملتهم

لكن ولدي مصطفى كمل دراستة وتخرج وصار ظابط واختة نورة صارت

دكتورة نساء وولادة وامهم على حالها يعني ماصار عليها شي الا انه

جاها السكر والضغط وكم صمام بالقلب يبيلهن تغيير

وانا مازلت مدمن مخدرات وكل يوم اروح لولدي مصطفى واقوله ابي

فلوس يامصطفى وهو ياحبي له يعطيني كل اللي بمخباته

لما جاء في يوم جيته والظاهر كان مخربها مصطفى وشاربن له شي

الداشر ويم قلت عطني فلوس الا وهو اللي يلقط مسدسة ويوجه لي

ويطلق علي الحيوان

وبعدها تنبهت على صوت امي وهي تقول ياولدي انت تحسب العرس

لعبة وبعدين توك على العرس انت ووجهك الا منك عقلت وخليت السهر

عنك وتوظفت زوجناك

وطمرت من مكاني وقلت هووووووووووونت ماابي اعرس خلاااااااااص

وانحاش من البيت واروح اوسع الصدر بالاستراحة ولا احد يقول جب

حليب ولا رح بمصطفى للمستشفى

اتمنى محد يكره الزواج بعد هالقصه خخخخخخخخخخخخخخ
_________________